Ivisan, Capiz- Dakop ang isa ka persona nga nagpang-agaw sang cellphone alas 11:45 sang gab-e sa Sitio Tagudtod Brgy. Poblacion Norte, Ivisan, Capiz.
Ginkilala ang suspek kay Anthony Abalayan, 39-anyos ang pang-edaron manugbaligya sang isda.
Suno sa Ivisan PNP, gulpi nga nag-abot ang suspek sa poluy-an nanday Lilibeth Fadernilla kun sa diin naga-inom ang biktima nga si Rodulfo Fadernilla kaupod ang mga abyan sini.
Hinali niya nga gin-agaw ang cellphone nga ginapanag-iyahan sang biktima kadungan sang pamahog nga palukpan ang mga ini sang armasluthang. Bangud sa kahadlok, wala ang mga ini makahulag gani nga nakapalagyo ang suspek.
Sa ginpatigayon nga follow-up operation sang mga kapulisan kaupod si PO3 Emelio Ubalubao, natigayon nga madakpan ang suspek nga yara sa sulod sang poluy-an sini nga ginahawiran pa ang ginkawat nga cellphone.
photo © Google map
