Armas ug mga bala nakumpiska atol sa search operation sa Glan

9

General Santos City—Usa ka unit sa cal. 357 ug unom ka mga bala niini ingon man usa ka Kalibre 45 nga pistola ug 10 ka mga bala ang nakumpiska sa kapulisan nga sakop sa Glan PNP ngadto sa balay sa suspetsadong si Danilo Sabares, legal age, residenti sa Purok Mauswagon, Barangay padido, Glan, Sarangani province atol sa gipahigayon nga search warrant operation alas 10:30 ang takna sa gabie niadtong nakalabayng adlaw.

Bitbit sa kapulisan ang search warrant nga gilangkuban sa kalapasan sa RA 10591 kon Illegal Position of firearms and ammunition.


Una nang nakadawat ug report ang kapulisan nga matud pa dunay mga armas nga gihuptan ang nasampit hinungdan nga gioperasyonan.

Kasong kalapasan sa RA 10591 ang suspetsado human kining nakuhaan ug mga armas ug bala.

Facebook Comments

From Advertisers