May kasong Arson-dakpan

14
Handcuffs

General Santos City–Gipaabot na lamang sa Polomolok PNP ang commitment order sa korte aron hingpit nga ibalhin sa Provincial Jail sa Koronadal City ang suspetsadong si Michael John Sayce, alyas Butchoy Sayce, 31 anyos, minyo, walay trabaho ug nanimuyo sa Purok Alojado Brgy.Poblacion, Polomolok, South Cotabato kansa nasikop sa operasyon sa kapulisan niadtong milabay nga semana.

Kahibaloan nga una nang nasikop ang suspek human nga gipatuman sa mga personahe sa Polomolok Police Station sa pagpanguna ni Police Major Johnrick Medel ang Deputy Station Commander sa naasoy’ng estasyon. ng implementasyon sa warrant of arrest sa kasong Arson nga giisyu ni Hon.Judge Eddie Rojas sa RTC Branch-39 , Polomolok nga pinetsahan pa niadtong bulan sa Abril 14, 2009.


Aduna kini criminal case no. 2520-08 nga may piyansang girekomenda ang korte nga mokabat 40,000 pesos.
Sa kasamtangan nagtingkagol sa selda sa Polomolok, Municipal Police Station ang dinakpan. (Reynald Timario)

Facebook Comments