Patay ang asawa ka pulis matapos suno pa nga ginaaligar ginkulata sang kaugalingon nga bana nga gindeklarar nga dead on arrival sang attending physician sang gindala sa isa ka pribado nga ospital sa Koronadal City sang Disyembre 12 subong nga tuig. Ginkilala ang biktima kay Davy Joy Habagat, 37-year-old kag residente sang Purok Paglaum Brgy. Paraiso, Koronadal City. Nahibaluan nga alas 8:30 sang aga sang December 12 nakabaton sang tawag ang duty Desk Officer sang Koronadal CPS halin sa Dr. Arturo Pingoy Medical Center nga may gindala nga biktima sang mauling incident sa nasambit nga balay bululngan amo nga gilayon nga nagrespondir ang investigator sang Koronadal CPS. May-angot sini, sa inisyal nga imbestigasyon sang Koronadal CPS ang nasambit nga biktima ang asawa ni PCpl Habagat nga ginaaligar nagkulata sa biktima alas 8:00 sang gab-i sang Disyembre 9, 2020. Mismo si PCpl Habagat naman suno pa ang nagdala sa asawa niya sa ospital alas 7:30 sang Disyembre 12, matapos nga nagreklamo ini sang tuman kasakit sang iya nga ulo kag natumba. Sa subong nagapadayon ang hotpursuit operation sang kapulisan batok sa suspek nga si Police Corporal Habagat nga nadestino sa Regional Personnel Holding and Accounting Unit ng Police Regional Office -12.
