Duha ang patay sa nagluntad nga disgrasya sa dalanon sa Prk. Masinadyahon, Barangay Liwanay, Banga, South Cotabato, alas 5:50 sang hapon sang Disyembre 12, 2020. Imbolbado naman sa nasambit nga insidente ang isa ka Honda XR 150 bilang V1 kag Honda XRM 125, ginapanag-iyahan kag ginamaneho ni Jhonry Hervas Macaya, 22 years old kag residente sang Sitio Lamaha, Barangay Talahik, Surallah, South Cotabato kag may 2 ka mga back riders nga isa ka 16 –anyos kag Jamica Aballar, 18 years old, estudyante pareho residente sang Barangay Paraiso, Koronadal City. Sa imbestigasyon sang Banga MPS ang V1 ang halin sa banwa sang Banga padulong sa banwa sang Surallah, samtang ang V2 ang nagasubay sa opposite direction apang pag-abot sa nasambit nga lugar ang Honda XR 150 ang nagliko sa pihak nga lane kag aksidente nga nakabunggo sa V2. May-angot sini, nagresulta ini sang head injuries sa driver sang V1, samtang ang V2 kag 2 back riders ang nakaangkon sang pilas sa mga nagkalain-lain nga parte sang ila nga lawas. Ang driver sang V1 kag si Jamica Aballar ang gindala sa Dr. Arturo Pingoy Medical Specialist sa Koronadal City, apang ang driver sang V1 ang gindeklarar nga dead on arrival (DOA) sang attending physician. Samtang ang driver sang V2 kag ang back rider sini ang gindala sa South Cotabato Provincial Hospital, apang si Rex Hervas ang gindeklarar nga dead on arrival (DOA) sang attending physician.
