Backriding: For personal, family use only

Davao City – Taas-taas nga panahon gitun-an sa nasudnong gobyerno ang panawagan sa pipila ka sektor sa katilingban antes pa man gipakanaug ang hukom nga tugtan na og balik sa dili madugay ang backriding kun angkas sa mga single motorcycle sa nasud.

Matud ni National Center for Commuter Safety and Protection (NCCSP) Chairperson Elvira Medina nga subay sa nauyonan, ang mag-asawa lamang ug wala nay lain pa ang tugtang mag-angkas sa usaka motorsiklo.

Ang pag-angkas gitagana lamang alang sa managtiayon ug mga miyembro sa pamilya diin hugot usab gidili ang pag ‘habal-habal’ kon pagpamasahero, sumala ni Medina.


Bililhon kaayong itanum sa hunahuna sa managtiayon ang paggamit og personal nga helmet ug likayan ang pagpahulam o manghulam sa uban aron luwas gikan sa makamatay nga COVID-19.

Girason ni Medina nga lisod kaayong musalig karon sa laing indibidwal ilabi na sa pangutana kung ang helmet nga gigamit duna bay laway nga mipilit o wala ug niana, prone kaayo sa virus ang makagamit sa helmet sa uban.

Nakita ni Medina nga hasol kaayo sa parte sa managtiayon ang pagpresenta og dokumento sa COVID Control Checkpoints sa kapulisan apan wala sila’y mahimo niini gawas sa pagsunod kon buot nilang maka-angkas sa motorsiklo.

RadyoMaN Joel Viray

Facebook Comments