Bag-o nga provincial director sang PNP sa Negros Occ., nag-assume na sa pwesto

101

*NEGROS OCCIDENTAL* – Maga assume na sa iya pwesto sumugod kahapon nga
adlaw ang bag-o nga Provincial Director sang Negros Occidental Police
Provincial Office.

Ginpahayag ni Police S/Supt. Rolando Miranda nga temporaryo nga magabulos
si S/Supt. Rodolfo Castil Jr. sa ginrelieve nga si Col. William Señoron
bilang OIC sang NOCPO.

Si Castil ang tumandok sang Pangasinan, miembro sang PMA Class 1993 kag
estudyante ni Miranda sa Special Action Force.

Sa pihak nga bahin, maga submit naman sang shortlist ang Police Regional
Office 18 kay Negros Occidental Governor Alfredo Marañon Jr. para pilian
sini nga mangin provincial police director.

Madumduman nga gin relieve si Señoron matapos nga gin-ulamid ang iya ngalan
sang nag-ako nga bagman sang Beria Drug Group na si Ricky Sereño nga
nagabaton sang drug payola./*dyHB BACOLOD*

Facebook Comments