‘Bakuna para sa katawhan sa Kadayawan’ himuon

29
Davao City – Giawhag sa Davao City Coronavirus Disease 2019 (COVID-19) Task Force ang publiko nga i-avail ang kahigayonan nga makapabakuna o makapa-booster una pa man ang Kadayawan sa Davao karong tuiga, 2022.

Sumala ni Dr. Michelle Schlosser, tigpamaba sa Davao City COVID-19 Task Force (sa interbyu sa city-owned radio), sa People’s Park himuon ang pagbakuna nga sugdan sa Martes, Hulyo 26 hangtud Hulyo 30, 2022 gikan alas 8:00 sa buntag hangtud alas 5:00 sa hapon.

“Isa sa mga nakita nato nga sites for Bakuna on Kadayawan days will be People’s Park. Part sa ilang pagbisita sa People’s Park, maka-avail na sila og mga bakuna,” sulti ni Schlosser.

Abli ang vaccination site alang sa 5 years old pataas diin sa mga minors kinahanglang adunay kaubang ginikanan sa pagpabakuna.

Nasayrang ibalik ang face-to-face Kadayawan karong tuiga human nga gi-suspende ang physical activities sugod August 2020 tungod sa pandemya.

RadyoMaN Kirby Manzon

Facebook Comments