Nagpatupad muli ng panibagong balasahan ang Philippine National Police (PNP) sa 6 na opisyal nito ngayong Mayo.
Sa unit re-assignment na epektibo ngayong araw, itinalaga bilang Acting Regional Director, Police Regional Office 1 si P/Brig Gen Jovencio Badua Jr. na mula sa PRO MIMAROPA.
Habang ang papalit naman kay Badua sa PRO MIMAROPA ay si P/Brig Gen Christopher Dela Cruz bilang Acting Regional Director.
Si Police Brigadier General Benliner Legaspi Capili ay itinalaga bilang Acting District Director ng Northern Police District na mula sa Director for Education and Training (DET).
Samantala ang papalit naman kay Capili ay si Police Brigadier General Arnold Thomas Cabugao Ibay bilang Acting Deputy Director for Education and Training.
Sa pwesto naman ni Ibay sa PRO Negros Island Region ay papalitan sya ni Police Brigadier General Romano Velayo Cardiño bilang Acting Regional Director.
At huli sa inalisang pwesto naman ni Cardiño, papalitan sya ni Police Brigadier General Dindo Regis Reyes bilang Acting Director for Comptrollership.
Inaasahan naman na tuluy-tuloy lang ang nasabing pagpapalit dahil maraming opisyal ng PNP ang magreretiro ngayong taon.
