Body parts sa nagpabiling missing sa Masara landslide, ipailawom sa DNA test

Davao City – Naghulat nalang ang Provincial Disaster Risk Reduction and Management Office (PDRRMO) Davao de Oro sa resulta sa DNA test sa na-recover nga body parts sa landslide victims sa Masara, Maco, Davao de Oro.

Sa interview sa DXDC RMN Davao kang Edward Macapili, ang Executive Assistant on Information and Communications sa PDRRMO Davao de Oro, iyang gibutyag nga human giundang ang search and retrieval operation, aduna pay 8 ang nagpabiling missing. Apan adunay retrieved body parts nga iagi og DNA test aron masuta kung sila ba ang biktimang gipangita sa ilang pamilya.

Hinuon, giklaro ni Macapili nga gidawat na sa pamilya ang gidangatan sa ilang kabanay.

“Satisfied naman ang mga families kasi yun lang naman ang hangyo nila kay Gov. Alam naman na nila na patay na ang miyembro ng kanilang pamilya. Pero ang ilaha lang, ang makita nila ang ilang patay nga lawas.”

Gipasabot ni Macapili nga nag-unang mga rason nga giundang ang operasyon mao ang abiso sa experts ug rescuers nga wala na silay makalot pa sa mga areas kung asa posibleng natabunan ang mga biktima, milapas na usab sa time frame ug delikado na ang baho sa ground zero alang sa rescue team.

RadyoMaN Ivy Parido