Buhay ng 79% ng mga Pilipino, lumala sa nakalipas na 12 buwan, ayon sa SWS survey

82

Naniniwala ang mayorya ng mga Pilipino na lumala ang kalidad ng kanilang buhay ngayong taon.

Sa National Mobile Phone Survey ng Social Weather Stations (SWS), 79% ng respondents ang nagsabing lumala ang kanilang buhay nitong Hulyo.


Ito ang ikalawa sa pinakamataas na naitala ng SWS, kung saan narekord ang 83% na pinakamataas noong Mayo.

Nasa 12% naman ang nagsabing walang nagbago sa kanilang buhay, habang 8% ang naniniwalang gumanda ang kanilang buhay.

Ang mga lumabas na datos ay “catastrophic” kung saan naitala ang pinakamababang rating sa Visayas na nasa -75, kasunod ang Balance Luzon (-74), Metro Manila (-71), at Mindanao (-65).

Isinagawa ang survey mula July 3 hanggang 6, 2020 sa 1,555 Filipino adult respondents.




Facebook Comments