Bukidnon Medical Society, dili pabor nga boluntaryo na lamang ang pagsuot sa face mask outdoors

35
Dili pabor ang Bukidnon Medical Society nga boluntaryo na lang ang pagsuot sa face mask outdoors.

Una niini, gi-aprubahan na ni Presidente Bongbong Marcos ang rekumendasyon sa Inter-Agency Task Force (IATF) nga pagpaluag sa mask mandate sa mga outdoor areas.

Gipirmahan sa Presidente ang Executive Order No. 3 kung asa, mamahimong boluntaryo na lamang ang pagsuot sa face masks sa mga open spaces ug mga lugar nga adunay igong bentilasyon.

Sa interview sa RMN Malaybalay ngadto kang Dra. Lorah del Rosario, ang Presidente sa Bukidnon Medical Society gibutyag niini nga dili siya pabor tungod kay isip Doctor ilang gibarugan nga “Prevention is always the best cure”.

Gipasabot niya nga bisan tood nga nag-ubos ang kaso sa COVID 19 apan anaa pa gihapon kita sa pa pandemya.

Matud niya nga ang pagsuot sa face mask makapaubos sa posibilidad nga matakdan ang usa ka tawo sa virus maong kinahanglan matud pa ang disiplina sa kaugalingon.



Tungod nini, gi-aghat ni Dra. Del Rosario ang publiko nga bisan og boluntaryo na lang ang pagsuot sa face mask sa gawas apan mas maayo nga magsuot gihapon ninii aron adunay dugang proteksyon batok sa COVID-19.

Facebook Comments