Cafgu patay, matapos tiruhon sa Tupi, South Cotabato.

26

Patay ang isa ka cafgu, matapos nga tiruhon sang wala nakilal-an nga suspek alas 10:30 kahapon sang aga, November 10, 2020 sa Purok 4, Barangay Simbo, Tupi, South Cotabato.
Ginkilala ang biktima kay Ruben Aloy Kintay , 49-anyos, may asawa kag residente sang Purok 4, Barangay Simbo, Tupi, South Cotabato.
Sa imbestigasyon sang Tupi MPS ang biktima ang sakay sa iya motorsiklo Skygo King 150 nga nagabyahe sa provincial road kag pag-abot sa nasambit nga lugar gintiro ini sang suspek.
Nakaangkon sang igo sang bala sa mga nagkalain-lain nga parte sang iya nga lawas ang biktima nga nangin tunaan sang iya kamatayon.
Nakuha naman sa crime scene ang mga basyo sang ginapatihan kalibre 45 nga armas luthang.
Sa subong padayon ang imbestigasyon sang Tupi MPS sa nasambit nga insidente.

Facebook Comments