Cagas: IATF mass gathering guidelines crucial

30

Davao City – Gisugyot karon ni Davao Del Sur Governor Douglas Cagas ngadto sa Inter-Agency Task Force on the Management of Emerging Infectious Diseases (IATF-EID) nga mupagawas og klarong kamanduan nga magdili sa tanang panagtapok-tapok pananglit sa mga barangay functionaries, purok leaders ug uban pa.

Matud ni Cagas, bugtong IATF lamang ang makapahunong sa kalihukan sama sa seminar sa mga barangay functionaries apan kon wala, dili madid-an kon ma-ban ang nasangpit nga panagtapok.


Segun ni Cagas, ang tanang mga Local Government Units (LGUs) walay mahimo kon dili mosunod na lamang kun unsa ang mga talamdan gikan sa maong hut-ong kinsa gitahasang mo-implementar sa Philippine National Action Plan on COVID-19 Response.

Dili buot ni Cagas nga maingnan sila sa mga tawo nga sila diktador ug namulitika, busa mas maayo kon ang instructions maggikan sa IATF ilabi na ang mando nga pag-ban sa panagtigom sa mga barangay functionaries.

Supak ang gobernador nga did-an ang mass gathering sa mga government functionaries sa kondisyon nga ang partisipante sa aktibidad sama sa seminar muabot lamang og 20 ka mga tawo or attendees.

Matud ni Cagas, wala niya gidid-an ang mga barangay functionaries nga magtapok sanglit kon sa Zoom meeting lang himoon ang ilang panaghisgot ug dili personal, kulang kini.




Hinoon, istriktong gipatuman sa Provincial Government sa Davao del Sursafety ang health protocols sama sa pagsuot og face mask, face shield ug social distancing aron inig mahuman ang aktibidad, walay ni usa nga maigo sa pandemic.

RadyoMaN Joel Viray

Facebook Comments