Cagayan, naka-red alert na sa Bagyong Karding

65

Naka-red alert na ang Office of Civil Defense sa Cagayan Valley.

Dahil ito sa inaasahang pagtama ng Bagyong “Karding” sa Northern Luzon kung saan magla-landfall sa Divilacan, Isabela sa Linggo.

Maaga pa lang ay inilikas na ang mga residente sa mga landslide at flash flood prone areas habang naka-preposition na ang response assets at food packs sa probinsya.


Ngayong tanghali, inaasahan naman na magpapakawala ng tubig na aabot sa 200-cubic-meter-per-second ang Magat Dam bilang paghahanda sa bagyo.

Mahigpit na rin na ipinapatupad ang no sail-no fishing policy at liquor ban sa rehiyon.

Facebook Comments