Christmas break sang mga estudyante, maga-umpisa sa December 15!

140

Roxas City, Capiz – Gin-anunsyar sang Department of Education (DepEd) nga sa December 15 ang umpisa sang Christmas break sang mga estudyante halin sa Kindergarten tubtob Grade 12 sa mga pampubliko nga boluthoan sa pungsod Pilipinas.
Base sa DepEd Order number 7 series of 2019, nakabalhag sa school calendar nga ginpaguha sang ahensya nga magabalik ang klase sa January 6, 2020 adlaw sang Lunes.
Samtang ang closing sang klase para sa academic year 2019-2020 ang nakatalana sa Abril 03, 2019.
Ginsiling ni DepEd spokesperson Undersecretary Nepomuceno Malaluan nga ang mga suspensyon sang klase sang mga nakaligad nga bulan ang indi makaapekto sa schedule sang Christmas break subong nga tuig.
Subong paman, ginsiling ni DepEd spokesperson Analyn Sevilla nga pwede naman nga magpatuman sang separado nga schedule ang mga private schools.

Facebook Comments

From Advertisers