COVID-19: P11K ayuda itunol sa mga PUJ drivers sa Davao

210

Davao City – Tabangan sa lokal nga panggamhanan sa Davao ang mga apektadong mga drayber sa pampasaheroang mga jeep nunot sa COVID-19 health crisis.

Gibutyag ni Davao City Mayor Sara Duterte nga modawat og P11,880 sulod sa 90 ka adlaw nga cash for work ang mga PUJ drivers ilawom kini sa Tupad kun Tulong Panghanapbuhay Sa Ating Disadvantaged/Displaced Workers program.


Dugang sa alkalde nga kinahanglang iobserba gayod ang minimum nga 1 ka metro ngadto sa duha ka metrong distansya diha sa mga dyip ug mandatory nga magsol-ob og masks ang mga drivers ug mga pasahero.

“Dili na sila maguol sa ilahang social distancing nga gina-require nato sa ilaha para sa ilahang mga pasahero because government will intervene to add on sa ilahang one month nga kita,” sumala sa mayor.

Samtang sa interbyu sa RMN Davao kang Presidential Commission for the Urban Poor (PCUP) Supervising Commissioner for Mindanao Norman Baloro anaa sobra sa P35M ang gitagana alang sa 3,000 ka mga apektadong PUJ drivers sa lungsod.

Makigkoordinar usab ang City Traffic and Transport Managerment Office kun CTTMO ngadto sa mga leaders sa mga nagkadaiyang asosasyon sa PUJ drivers para sa maong pinansyal nga ayuda.



RadyoMaN Aimee Guinita


Facebook Comments