Sa interbyu sa DXDC RMN Davao kang Harold Quibete, Indak-Indak sa Kadayawan Organizer, gisaysay niini nga magdepende na sa mga designer paunsa nila himuong mas komportable ug creative ang face mask nga gamiton sa ilang mga partisipante.
Gipasabot ni Quibete nga dili mandatory ang pagpabakuna batok Coronavirus Disease 2019 (COVID-19) apan required ang pagsuot og face mask labi na karon nga nagkataas ang COVID-19 cases sa dakbayan.
“It is part of the competition. So, diha na nato makita kung giunsa paghimo sa mga designer ang mask for their dancers also to be comfortable while they do the performances,” sulti ni Quibete.
Gisiguro usab sa Indak-Indak sa Kadayawan Organizer nga adunay naka-standby nga 911 Medical Team sa parade ug sa mismong kompetisyon panagana sa unsa mang incidente.
RadyoMaN Kirby Manzon
