DA, nagpatupad ng temporary ban sa importasyon ng poultry products mula Belgium dahil sa bird flu outbreak

Nagpatupad ng temporary ban ang Department of Agriculture (DA) sa pag-aangkat ng bird at domestic wild birds mula sa Belgium dahil sa bird flu outbreak sa nabanggit na bansa.

Sa pamamagitan ito ng Memorandum Order 20 ni Agriculture Secretary Francisco Tiu Laurel Jr., na naglalayong protektahan ang local poultry sa bansa.

Sakop ng temporary ban ang mga poultry meat, day-old chicks, mga itlog at semilya.

Nakapaloob sa direktiha ni Secretary Laurel ang agarang suspensyon sa processing at evaluation ng mga aplikasyon para sa sanitary at phytosanitary import clearances sa mga nabanggit na agricultural product.