Sa interview sa RMN Malaybalay ngadto kang Jun Torayno, Head sa Operations sa Provincial Disaster Risk Reduction and Management Office (PDRRMO), gibutyag niya nga karaan na matud pa ang maong kahoy sa Mangga diin upat ka sakyanan ang gikatahong nakaangkon og damyos.
Duha matud pa niini ang nagrabehan ug duha usab ang slightly damage.
Gawas sa maong kahoy sa Mangga, aduna usab lain pang punuan ang natumba kagahapon sa Capitol Compound nga giaksyonan usab sa mga personahe sa Bukidnon Second Electric Cooperative (BUSECO) gumikan kay adunay linya nga naapektuhan.
Gibutyag usab ni Torayno nga daghan na nga mga punuan sa kahoy nga nakapalibot sa Capitol Compound ang gikinahanglan na putlon tungod kay karaan na og delikado nga matumba.
Apan gahulat nalang matud pa sila sa aksyon sa DENR kung asa naghatag na sila og report sa mga punuan sa kahoy nga kinahanglang putlon.
