DAKPAN|Mangingilad-Dakpan sa Entrapment operation

25

General Sntos City—Hingpit nang napasakaan ug kaso sa buhatan sa CIDG-12 ang usa ka suspetsadong mangingilad kansa una nang nasikop atol sa gihimong entrapment operation niadtong nakalabayng adlaw.

Suspek mao si Richard Roda, 23-anyos, residenti sa barangay Balabagan, Lanao del Sur.

Una nang gireklamo sa mga biktima ang suspek gumikan sa iyang pagpangilad pinaagi sa pagrenta ug motorsiklo dinhi sa Gensan ug iyang ginadala didto sa Lanao Del Sur.

Nanghinambog pa sa suspek ngadto sa iyang mga biktima nga siya konektado sa Insurance Agency, tungod niini nisalig sab ang mga biktima ngadto sa suspek. apan natingala nalang sila nga wala na nakabalik pa ang ilang mga motorsiklo.

Base sa reklamo gibana-banaang muabot na sa 100 ka mga motorsiklo ang iyang gisibat gikan sa Gensan ug gidala didto sa Lanao Del Sur.

Samtang sa tala sa CIDG mukabat na sa 45 ka mga indibidwal ang mireklamo sa ilang buhatan batok sa suspek. Kasong Large Scale Estafa ang kasong giatubang sa nasangpit nga suspetsado.

Facebook Comments