Magkahiwalay na operasyon ang isinagawa ng mga awtoridad na nagresulta sa pagkakaaresto ng dalawang indibidwal na kapwa may kinakaharap na kaso sa batas.
Sa San Carlos City, bandang 4:55 ng hapon noong Mayo 1, 2026, matagumpay na naaresto ang isang 50-anyos na lalaki sa bisa ng warrant of arrest para sa paglabag sa Presidential Decree No. 1602. May inirekomendang piyansa na nagkakahalaga ng ₱24,000.00 para sa pansamantalang kalayaan ng akusado. Kasalukuyan siyang nasa kustodiya ng pulisya para sa kaukulang proseso.
Samantala, sa bayan ng Urbiztondo, bandang 5:30 ng hapon noong Mayo 3, 2026, naaresto naman ang isang 47-anyos na babae dahil sa kasong syndicated estafa na may kaugnayan sa Republic Act No. 10175. Ayon sa ulat, walang inirekomendang piyansa para sa naturang kaso.
Kapwa ipinaalam sa mga naaresto ang dahilan ng kanilang pagkakadakip at ang kanilang mga karapatan alinsunod sa batas. Sila ay kasalukuyang nasa kustodiya ng mga awtoridad para sa dokumentasyon at kaukulang disposisyon.
Patuloy ang pinaigting na kampanya laban sa kriminalidad upang matiyak ang kapayapaan at kaayusan sa komunidad. Italic Bold (sans): |𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
