Nakuha sa siyudad ang iskor nga 75.66, nga mas taas kumpara sa miaging tuig, ug kini ang ikaduhang sunod-sunod nga tuig nga nanguna kini sa nasud.
Nasentro ang maong pag-ila sa lig-on nga imprastraktura, abot-kayang mga serbisyo, ug nindot nga kasinatian sa mga turista. Dakong hinungdan usab ang reputasyon sa Davao City isip usa sa labing luwas nga dakbayan sa nasud.
Nagpadayag ang Davao City Tourism Operations Office og pasalamat sa tanang stakeholders, tourism partners, ug mga Dabawenyo nga mitampo sa kalampusan sa siyudad. Matud pa, ang maong kadaugan bunga sa panaghiusa ug padayon nga pagpalambo sa turismo.
Gidayeg usab sa Davao City Police Office (DCPO) ang maong kalampusan, ilalom sa pagpanguna ni City Director PCOL Peter Bauzon Madria. Gisaad sa kapulisan ang padayon nga pagpalig-on sa seguridad aron mapreserbar ang kalinaw ug kahapsay sa siyudad.
Nagpabiling andam sa kanunay ang Davao City sa pagdawat sa mas daghang bisita gikan sa nagkalain-laing lugar.
RadyoMaN Kareen Beltran
