Davao City nagpabiling ubos ang COVID-19 positivity rate

38
Davao City – Nanghinaut ang Davao City Coronavirus Disease 2019 (COVID-19) Task Force (TF) nga magpadayon ang pag-ubos sa kaso sa COVID-19 sa syudad sa Davao.

Gibutyag ni Dr. Michelle Schlosser, tigpamaba sa Davao City COVID-19 TF (sa interbyu sa city-owned radio), kagahapong adlawa (Abril 1, 2022) usa lamang ang natalang bag-ong kaso sa COVID-19 sa dakbayan.

Kung basehan usab ang datus sa milabay nga semana, anaa lamang sa 1-2% ang positivity rate sa syudad diin kini ang usa sa mga rason nganong nagpabilin sa COVID-19 Alert Level 1 ang syudad nga tabang sa hinay-hinay nga pagrekober sa ekonomiya.

“Hopefully na magpabilin gyud na low kasi we wanted na tuloy-tuloy na atong open policy ang tuloy-tuloy na atong economic recovery,” sulti ni Schlosser.

Apan gipasabot ni Schlosser sa publiko nga anaa gihapon ang COVID-19 rason nga dili mukumpyansa.

Gipahinumdum sa health official, kinahanglan gihapon ang pagsuot og face mask isip health protocol ug magpabakuna ug magpa-booster batok COVID-19.



RadyoMaN Kirby Manzon

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments