Davao del Norte – Usa ka lalaki ang namatay samtang usa pa ang naangol human maaksidente ang usa ka softdrink panel truck sa National Road, Upper Sabang, Brgy. Poblacion Kaputian, Kaputian District, Island Garden City of Samal.
Base sa inisyal nga imbestigasyon sa kapulisan, nagbiyahe ang trak sa paubos nga bahin dihang kalit nga napakyas ang preno niini. Tungod niini, wala na makontrol sa drayber ang sakyanan ug mibangga kini sa kilid nga embankment. Sa maong panghitabo, milukso gikan sa trak ang pasahero nga si alyas “Rod” aron malikayan ang peligro.
Dali nga gidala sa mga responder sa CDRRMO-IGACOS sila Rod ug Vinvin ngadto sa Davao del Norte Hospital-IGACOS Zone alang sa pagpatambal.
Apan gideklarar nga dead on arrival si Rod tungod sa grabeng samad nga iyang naangkon, samtang anaa na sa lig-on nga kahimtang si Vinvin. Nagpadayon sab ang imbestigasyon sa insidente.
RadyoMaN Kareen Beltran
Facebook Comments
