Kalibo, Aklan – Daywa rong haeab-an kabii sa magkasiparadong lugar.
Nakaangkon it tama it pag-eabo si Rodney Retoriano, 39-anyos it Brgy. Sigcay, Banga matapos nga linabo it suspek nga si Joel Ricaforte, sa legal nga edad ag residente man it nasambit nga lugar.
Base sa imbestigasyon it Banga PNP nga samtang rayang biktima hay una sa sangka namatyan naga lingkod hay gulpi eamang nga umabot rong suspek ag linabo raya sa likod.
Uwa man it may natabo nga diskusyon ag kumosyon bago rong pagpang-eabo.
Matapos ro insidente hay madasig man nga naeagyo rong suspek nga sa makaron padayon kana rong pag-usoy it mga kapulisan.
Samtang nakaangkon mat-a it tama it pag-eabo sa likod rong sangka tricycle driver matapos man nga linabo kaina it aga-aga sa Brgy. Caano, Kalibo.
Rong biktima nakilaea kay Jonel Zonio, 20-anyos ag driver it tricycle.
Sa report nga naga drive it tricycle rong biktima tag may nahasubeang raya nga daywa ka mga uwa makilaeang persona sakay it Smash motorcycle ag pagtaliwan it sangkiri hay linabo rong biktima.
Matapos rong inside hay madasig nga naeagyo rong mga suspek.
Ro nasambit nga mga biktima hay padayon nga ginabueong sa Aklan Provincial Hospital.
