DCPO nakatutok sa programang ‘Help and Educate a Child’ para sa mga CICL sa syudad

Davao City – Nagpadayon ang mga programa sa Davao City Police Office (DCPO) para sa mga Children in Conflict with Law (CICL) ug Children at Risk (CAR).

Sumala ni Police Major Catherine Dela Rey, DCPO Spokesperson, nakakatutok sila sa nagkadaiyang serbisyo’g programa alang sa maong sektor sa kabataan.

Segun ni Dela Rey, lakip sa mga programa mao ang Help and Educate a Child diin padayon ang pagkat-on sa mga CICL isip mga DCPO Scholars diin kini ang nagsilbing “diversion” program kun alternatibong approach ug treatment base usab sa ilang social, cultural, economic, psychological ug educational background.

Samtang, gibutyag sa Women and Children Protection Desk (WCPD) – Davao nga nikunhod og 10% ang mga batan-ong nalambigit sa krimen sa 4th Quarter sa 2022 ikumpara sa 2021.

Niadtong Nobyembre hangtod Disyembre 2022, adunay 17 ka mga minors ang nalambigit sa krimen nga attempted murder, rape, trespassing, carnapping, illegal possession of firearms ug RA 9165.

RadyoMaN Aimee Guinita