DEPED-XI nagpahinumdom sa mga magtutudlo nga magpabiling nonpartisan

31
Davao City – Pila ka adlaw una ang May 9, 2022 National ug Local Elections, nagpahinumdom ang Department of Education (DepEd) sa mga teaching ug non-teaching personnel nga magpabiling nonpartisan o walay dapigan nga politiko o kandidato sa eleksyon.

Sa interbyu sa DXDC RMN Davao kang Jenielito Atillo, tigpamaba sa DepEd-XI, gisaysay niini nga isip mga magtutudlo, dili sila angay makit-ang dunay dapigang bisan kinsa ug unsang politikanhong organisasyon, diin kini usa ka paglapas sa responsibilidad ug obligasyon sa paghatag og serbisyo panahon sa piniliay.

“We would like to remind everybody that the organization which we are employed is an apolitical organization. Meaning, we do not have political inclination either individual politicians or political groups,” sulti ni Atillo.

Ilawom sa DepEd Order (DO) 48, gidili ang pakiglambigit sa mga teaching ug non-teaching personnel sa electioneering ug sa partisan political activities.

Samtang, gipasalamatan sa DepEd-XI official ang mga magtutudlo ilabina kadtong miyembro sa electoral board sa ilang pagserbisyo pagsigurong maprotektahan ang balota ug ma-exercise ang demokrasya panahon sa eleksyon.

RadyoMaN Kirby Manzon

Facebook Comments