15 MILYONG PISO, NAITALANG PINSALA SA AGRIKULTURA SA CALASIAO

Dahil sa matinding pagbaha dulot ng tuloy-tuloy na pag-ulan bunsod ng habagat, nakapagtala ng mahigit kumulang 15 milyong piso ang kabuuang pinsala sa sektor ng agrikultura sa bayan ng Calasiao, Pangasinan.
‎

‎Ayon sa Agricultural Technologist and Report Officer ng bayan ng Calasiao na si Lenette Bauzon, nasa 90-100 porsyento ng kabuuang sakahan ang apektado sa bayan.
‎
‎
‎Kabilang sa mga magsasakang apektado ng baha ay si Mang Jerry.
‎

‎Ani Mang Jerry, napilita siyang dumiskarte at gawing pampasada ang kanilang traktora habang lubog pa sa baha ang kanilang sakahan.
‎

‎Kung hindi nila ito gagawim ay paniguradong kakapusin sila sa kanilang pang araw-araw lalo at mas kailangan ng pera ngayong may kalamidad upang mabili ang mga pangunahing pangangailangan ng pamilya.
‎

‎
‎Ilan lang sila sa mga apektadong magsasaka na ginamit ang kanilang kagamitang pansaka para sa alternatibong pagkakakitaan sa kabila ng kalamidad.
‎

‎Samantala, tuloy-tuloy ang pagmomonitor ang mga kailugan at sitwasyon ng baha sa bayan habang patuloy pa ring nararanasan ang pag-uulan na dala ng habagat. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣

Facebook Comments