Despedasao el cuerpo na accidente

Ya despedasa el cuerpo del un motorist despues yan ipit este na un dump truck na Sitio Binaloy, Buenavista enantes aga.
Con el victim ya conose como si Jainuddin Jamud, 56, de Sitio Pulusan, Calabasa.
Asegun conel pulis ta biaha si Jamud na mencionao calsada manehando consu Honda Wave motorsiclo cuando ya dale este encuentro con el dump truck ta maneha si Emelino Alberto Arcillas, 42, de Divisoria ya ya sosede el accidente.
Ya precura pa desbija si Arcillas pero ya tumba el truck y yan ipit si Jamud y ya sigui man guyut.
Porcausa con este ya curta el meja cuerpo del victima.
Con Arcillas ya pone bajo na custodia del pulis mientras ambos vejiculo ya recuji na estacion del pulis mientras ta imbestiga pa con el caso.

Facebook Comments