DIONISO ROSE, NAKIBOT SA APPOINTMENT SA IYA BILANG INTERIM PRESIDENT SANG FISH VENDORS ASSOCIATION SA TATC!

23
Roxas City, Capiz – Aminado si Mr Dionisio Rose nga nakibot ini sa pag-apoint sa iya bilang interim president sang Fish Vendors Association sa TATC matapos ginpatawag ini siya nga may meeting sa fish section sang TATC.
Matapos magsumpa, ginmadoan sini si Joevel Abagatnan bilang iya vice-president nga amo ang magpangita sang dugang nga mga opisyal.
Nagtugon ini sa gin-appoint nga mga opisyal nga maghiwat sila sang meeting sa tanan nga mga vendors apang indi gusto mag-atender sang meeting ang mga vendors. Panawagan sang mga ini maghiwat sang eleksyon sang mga opisyales.
Mahibaloan nga sa una nga interview sang dyVR RMN-Roxas kay TATC Market Administrator Heloise Mendoza, gin-alongay sini sa tanan nga mga fish vendors ang kooperasyon sa mga bag-o appoint nga opisyal.
Ang appointment sang mga bag-o nga opisyal ang kasunod sang nangin obserbasyon sang gobyerno sang syudad nga pagpabaya sa pagmintina sang kalimpyo sa nasambitan nga section.
Ginklaro ni Mr Dionisio Rose, ang mando sa iya ni City Mayor Ronnie Dadivas amo ang pagpabilin sang katinlo sa fish section kag pagkadisiplinado sang mga vendors.
Aminado ini nga may yara gid sang mga nagakayat lang sang mga plastic gani nga magakolekta sila sang 5 pesos para sa asosasyon kag para sa ila uniporme kag iban pa.
by: RadyoMaN Roger Garcia | September 26, 2022
Facebook Comments