Matud ni Davao City Mayor Sebastian “Baste” Duterte, mahimong mosangpot kini og problema sa kahimsog ug kalimpyo sa siyudad kon magdugay pa ang sitwasyon.
Dugang butyag sa mayor nga nahuman na ang pag-evacuate sa mga residente nga apektado sa hulga sa landfill, ug mahimo nang ipatuman ang mga gikinahanglang corrective measures samtang nagpadayon ang operasyon sa pasilidad.
Aron masiguro ang pagdumala sa basura, nagtakda ang lokal nga kagamhanan og dugang nga collection points, lakip ang usa ka lugar atubangan sa DENR Regional Office XI, aron ipakita ang gidaghanon sa basura nga natigom matag adlaw kon mapahunong ang mahinungdanong serbisyo.
Bisan pa niini, gipasiugda ni Duterte nga nagasunod ang siyudad sa tanang gikinahanglang kondisyon ug naglaom nga ang mga desisyong makaapekto sa kapin 750 ka toneladang basura matag adlaw ug dul-an duha ka milyong Dabawenyo pagabasehan dili lamang sa regulasyon kondili usab sa praktikal nga kahimtang ug maayong paghukom.
RadyoMaN Kareen Beltran
