Sinisikap pa rin hanggang ngayon na matugunan ang mga pangangailangang imprastraktura sa mga paaralan at pag-papaangat pa sa kapakanan ng mga mag-aaral sa lalawigan ng Pangasinan.
Ayon kay kasalukuyang Chairman Committee on Education, Vice Governor Mark Lambino, sentro umano ng pamahalaang panlalawigan pagdating sa usaping pang-edukasyon ay nakatuon lamang sa epektibo at pang-matagalang solusyon na makatutulong sa pag-angat ng edukasyon sa lalawigan.
Isa sa ipinunto nito ay ang patuloy na suporta sa kapakanan ng mga estudyante tulad ng mga atleta sa larangan ng sports pati na rin sa mga imprastraktura.
Patuloy umano silang naghahanap ng internal o external support para mapunan ang pangangailangang imprastraktura ng mga paaralan tulad ng mga silid aralan at iba lang pasilidad.
Sa kabilang banda, nagkaroon ng shift sa academic calendar kung saan inagahan ang pagbubukas ng klase, ayon na rin sa direktiba ng nasyonal na gobyerno.
Marami na rin sa mga paaralan sa lalawigan ang nag-umpisa ng kanilang aktibidad ng palilinis at pagsasaayos para sa Ligtas Eskwela sa nalalapit na pagbubukas ng pasukan. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
