Duha dakpan sa buy-bust operation sa Tupi, South Cotabato.

26
Arestado ang duha ka mga persona sa ginpatigayon nga buy-bust operation sa National Highway, Barangay Poblacion, Tupi, South Cotabato, pasado alas 11:00 sang gab –i May 5, 2022.
Ginkilala ang mga suspek kanday Rufo Tiongco, alias “Renz”, 23-anyos, laborer kag residente sang Sitio Benigno Aquino, Brgy. Miasong, Tupi, South Cotabato kag Eljan Fernandez, 20-anyos, single, jobless, kag residente sang Prk. 14, Brgy. Fatima, General Santos City.
Nakuha kay “Renz” sa operasyon ang Marijuana nga naputos sa newspaper, may kabug-atun nga 20.614 grams kag nagakantidad sang P2, 473.68, samtang nakumpiskar naman kay “Eljan” ang isa ka kilo sang Marijuana nga may standard price nga P120,000.00.
Samtang nakapalagyo naman ang driver sang ila motorsiklo.
Sa subong ang mga suspek ang yara sa kustodiya sang Tupi MPS kag kaso nga pagbayolar sa Section 5 kag 11 sang Article ll sang RA 9165 ang ipasaka batok sa mga suspek.
Facebook Comments