Duha ka insidente sang sunog nagluntad sa Koronadal City.

17
Duha ka magseparar nga insidente sang sunog ang narekord sa Koronadal City kahapon nga adlaw, Hunyo 13, 2022. Base sa datos sang Bureau of Fire Koronadal nagluntad ang sunog sa isa ka balay sa bahin sang Balmores Street, Bgry. GPS nga ginapanag-iyahan ni Alex Patrocinio. Suno kay FO1 Alexander Alinsugay, nabaton nila ang report alas 3:26 sang hapon kag tigayon nga nafire- out alas 3:49 sang hapon. Samtang nagalab-ot suno pa sa P216,000.00 ang natuga nga danyos sang sunog kag isa sa ginalantaw nga rason ang electrical wirings tungod bag-o pa man ang insidente naga-off and on ang suga sa nasambit nga puluy-an. Sa bahin naman sang Purok Ilang – ilang, Brgy. Saravia nagluntad ang sunog sa puluy-an ni Marlyn Montes , alas 6:05 sang gab-i kag alas 6:15 nafire – out sa diin nakapark ang bonggo nga nasunog. Ginabulubanta naman sa P40, 000.00 ang inisyal nga natuga nga danyos kag kandila naman ang ginalantaw nga rason sang sunog. Ginkumpirmar ni FO1 Alinsugay nga wala naman sang narekord nga pilason sa duha ka insidente sang sunog. Sa subong nagapadayon ang ila imbestigasyon sa nasambit nga insidente. Apela naman ni Alinsugay sa katawhan nga maghalong kag indi pagpabay-an ang mga butang nga makatuga sang sunog.
Facebook Comments