Unti-unti nang nalulugi ang mga puto vendors sa Calasiao, bunsod yan ng tuloy-tuloy na pag-ulan na siyang nagpapataas ng tubig sa bayan.
Hinaing ng mga puto vendors ang pagkatumal ng kita mula sa pagtitinda ng puto.
Ayon kay aling Rose, bunsod ng nakaraang mga pagbaha ay bumaba ang kanilang kita, nasasayang lamang at itinatapon ang mga sirang produkto.
Matapos ang sunod-sunod na pag-ulan, ang pagbaha sa mismong sentro kung saan nangyayari ang bentahan ng mga puto na isa sa mga dinadayo ng mga turista.
Ayon kay Tammy Fernandez, tourism officer ng Calasiao, apektado ang turismo ng Calasiao dahil sa malawakang pagbaha na siyang nagpapahirap sa mga turista at mamimili sa Calasiao.
Sa kasalukuyan, wala pang tiyak na datos para sa kitang nawala sa sangay ng turismo sa bayan ng Calasiao. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
