Duha ka mga rescue personnels sa LGU-manolo fortich, paslak sa prisuhan human nadakpan sa pagpayuhot sa illegal nga droga

Gipaslak na sa prisuhan ang duha ka mga rescue personnels sa lokal nga pangagamhanan sa Manolo Fortich human nadakpan sa pagpayuhot sa illegal nga droga atol sa operasyong gipahigayon sa mga kapulisan pasado alas 2:25 sa kadlawon kagahapon didto sa Purok Kalanawan, Brgy. Tankulan, Manolo Fortich, Bukidnon.

Giila ang mga dinakpan nga sila Ronaldo YbaƱes, 41 anyos,minyo, ug residente sa Zone 7, Brgy. Lingion, Manolo Fortich, ug si John Rowe DueƱas, 35 anyos, minyo, ug resident sa Isabel Village, Brgy. Tankulan, Manolo Fortich, Bukidnon.

Napalit ngadto sa mga suspek ang usa ka rectangular heat sealed transparent plastic sachet nga mikontinar og drogang shabu.

Samtang laing usa ka heat sealed transparent plastic sachet nga nagkontinar og drogang shabu ang nakompiska, uban sa ka envelope nga kolor brown, laing ka mga pakete sa shabu, duha ka improvised tooter, usa ka improvised aluminum gutter, duha ka lighter, usa ka cellphone, ug usa ka P500 bill.

Gidala sa Manolo Fortich Municipal Police Station ang mga dinakpang suspetsado lakip ang mga nakompiskang ebidensya samtang ginaandam ang kaso sa paglapas sa RA 9165 kon Comprehensive Dangerous Drugs Act of 2002 ang mga dinakpang suspetsado.

Facebook Comments