Lokal nga pangagamhanan sa Valencia, mipahimangnu sa publiko kabahin sa mga gapaila nga maghatag og ayuda

33
Mipahimangnu karon ang lokal nga pangagamhanan sa Valencia ngadto sa katawhan nga magmabinantayon kabahin sa mga tawo nga gasuroy-suroy ug gaingon nga maghatag og ayuda gikan sa usa ka midaug nga kandidato.

Sa Facebook post ni Atty. Genaro Cadigal Jr., Valencia City Administrator, iyang gisaysay nga ang modus sa maong mga tawo ang pagpang-issue og ID, mangolekta og kwarta dayon musaad nga maka-claim ug ayuda gikan sa mga kandidato.

Sumala ni Atty. Cadigal nga dili angayang tuohan ang maong mga buluhatan tungod kay modus kini aron nga makapangilad sa katawhan.

Dugang pa niya nga walay problema sa pagmugna og mga organisasyon apan sigurohon lang nga dili makahatag og perwisyo sa katawhan.

Panghimangnu usab niya ngadto sa mga mupahigayon sa maong modus nga undangan ang maong buhat tungod kay kung masakpan mag-atubang sa igong kaso.

Facebook Comments