Davao City – Dead on the spot samtang lain usa pa ang nakabsan sa kinabuhi karon lang adlawa atol sa nahitabong bangga gahapon sa may Purok 1 Barangay Lubogan Toril ning syudad.
Nakabsan sa kinabuhi ang drayber sa motorsiklo nga mao si Karl Francis Inot Aclo, 29 anyos nga taga Kristina Homes Lubogan Toril Davao City ug ang gikabangga niini nga si Client Aguidor Bais, 20 anyos nga taga Feriols Barangay Lizada Toril ning syudad.
Base sa imbestigasyon sa Toril PNP nga adunay duha ko motorsiklo ug usa ka van ang involve sa maong bangga.
Matod pa, padulong kining usa ka motor ug SUV van sa Poblacion Toril ug sa dihang niabot na kini sa may intersection sa Lubogan Toril misugat ang usa pa ka motor dayong mibangga sa motor nga gidrayban ni Aclo hinungdan sa pagkamatay sa ulahi ug pagkalagpot ug pagkaangol sa mga angkas niini.
Human sa insidente matod sa mga nakakita, aksidenteng nabanggaan sa driver sa van si Bais nga miresulta usab sa iyang kamatayon.
Ang drayber sa van padayon pa nga ginapangita sa kapulisan ug ginasuta kung aduna ba gyod kini tulubagon sa maong insidente.
Samtang ang patayng lawas sa mga biktima gipangdala na sa mga purenarya aron makuha na usab sa ilang pamilya.
RadyoMaN Paul Canono
