Matud ni Dr. Michelle Schlosser, tigpamaba sa Davao COVID-19 TF (sa interbyu sa city-owned radio) nga sa March 2, 2022, anaa na sa 4,848 ang bakunado sa maong age group dinhi sa dakbayan, diin target sa City Government of Davao nga makabakuna og kapin 200,000 sa maong grupo sa kabataan.
Padayong gipanawagan ni Schlosser ang mga ginikanan nga kung sila nagduha-duha pa sa pagpabakuna sa ilang mga anak, mamahimo nilang sayron ug tun-an ang kamatuoran kabahin sa bakuna.
“Kung gusto ninyo og reliable source, pwede mo magbasa og mga medical article kung unsa ka-effective ang atoang mga bakuna partikularmente sa atoang bakuna para sa ilahang five to eleven years old,” matud ni Schlosser.
Tambag sa health official nga dili magpadala sa fake news mahitungod sa bakuna diin kung basehan ang datus dili lang sa Pilipinas kundili sa ubang mga nasud, makita nga dako ang kahimoan sa bakuna batok severe effects sa COVID-19.
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
