Pontevedra, Capiz- Nagluntad ang tensyon sa mga residente sang Brgy. Intungcan sa banwa sang Pontevedra.
Ini matapos nga ginpabuldos sang tag-iya sang duta nga ginahamtangan sang plaza ang commonal garden kun sa diin may natanom nga bulak kag iban pa sa amo nga barangay.
Suno kay elected Barangay Captain George Casipit nga ginkakibot na lamang sini sang nagkinagu-al ang mga tawo kag tuyo nga atakehon ang driver sang heavy equipment.
Ginpunto sini nga siya ang nagpatunga lamang kag indi intensyon nga mag-intra.
Kun wala, posible suno sa iya nga ginkastigo ukon gin-atake sang mga residente ang driver sang heavy equipment.
Ginsiling sini dugang nga nag-ugat ang amu nga bagay sang nalutos ang pambato sa pihak nga partido sa baylo siya ang gintib-ong sang mga taga-Brgy. Intungcan.
Nahibaloan nga ang nasambitan nga duta nga ginahamtangan sang plaza ang ginapanag-iyahan sang pamilya Orola. Panawagan ni Casipit nga kun mahimo ibutang sa husto nga proseso ang nasambitan nga bagay pinaage sa paghibalo kun anu ang kaundan sang kasugtanan sa tunga sang tag-iya kag pamunoan sang nagligad nga administrasyon sang barangay tuhoy sa pag-okupar sa amo nga duta.
