EX-NPA leader hingpit nga nahimong sundalo

77
Davao City- Nigradwar isip usa ka sundalo sulod sa unom ka bulang training sa 10th Division Training School ang usa ka kanhi lider sa New People’s Army (NPA) lider ug former Political Instructor sa Guerilla Front 55 nga si Daniel Castillo o Ka-Steven.

Matud sa 10th ID, lakip si Castillo sa 34 ka mga rebelde kun “friends rescued’’ nga nisurrender sa AFP niadtong Nobyembre 2020.

Sa closing ceremony sa Candidate Soldier Course kagahapong adlawa April 28, 2022 sa Mawab, Davao de Oro, gisulti ni Castillo nga kung kaniadto nadani siya sa sa pagpangilad sa New People’s Army karon magamit na niya ang iyahang passion, mga kaalam ug skills sa pagserbisyo sa nasud isip usa na ka sundalo

Gibutyag niini nga pinakalisod nga parte sa iyahang kaagi mao ang adjustment gikan sa pagkasibilyan ngadto na sa pagkasundalo ilabina sa iyahang background isip usa ka kanhi sakop sa NPA.

Dili masukod ang kalipay sa inahang si Paulette Castillo sa kalampusang nakab-ot sa iyahang anak, si Paulette, nagsilbi usab sa kalihukan sulod sa 30 ka tuig ug Regional Peasant Secretariat sa Southern Mindanao Regional Committee (SMRC) nga nibalik sa sabakan sa gobyerno niadtong Hulyo 2021.
Samtang, dungan usab ni Castillo nga nahimong sundalo si Gelejurain I Ngujo, ang kanhi Supply Officer sa Guerilla Front 55, ug kambal ni Gelejurain II nga napatay sa engkwentro niadtong February 2020 sa New Bataan, Davao De Oro.

RadyoMaN Aimee Guinita

Facebook Comments