Mitakilid ug nahulog ang usa ka fish car sa basakan nga gidrayban sa usa ka Dodong Palayong, hingkod ang edad, lumad nga taga General Santos City nahitabo alas 11:00 kagabie didto sa may Talisay St. syudad sa Digos.
Sumala sa report gikan sa Digos PNP samtang gidrayban sa naasoyng driver ang maong canter nga dunay karga nga isda nga ihatod sa siyudad sa Digos gikan sa Gensan, pag abot sa nahisgutang lugar didto hinayhinay nga nisimang ug nagtakilid ngadto sa tuo nga bahin sa kalsada resulta sa pagkahulog.
Matud pa duha ang nagsakay niadtong tungora nga mao ang mag uyoan nga sila Jerry Kamay ug Franklin Kamay diin atol sa pagkadisgrasya walay naangol apan nakaangkon lamang og garas sa lawas.
Nasuta sa kapulisan sa Digos nga ang hinungdan sa disgrasya mao ang naputol nga dragline connection sa manobela hinungdan nga wa na makontrola sa maong driver ug miresulta sa pagkahagbong sa basakan.
RadyomaN Don Pulayao
