Davao City – Gipahinumdoman sa mga espesyalista sa Southern Philippines Medical Center (SPMC) nga ang edad 19-20 hangtod 34-anyos maoy giila nga mas luwas alang sa mga babaye nga buot mabuntis.
Matud ni Dr. Katrina Abarcar, Volunteer Consultant sa Department of Obstetrics and Gynecology sa SPMC, high-risk pregnancy na ang edad nga ubos sa 18-anyos ug kapin 35-anyos tungod sa posibleng komplikasyon sa inahan ug bata.
Lakip sa posible nga risgo sa late pregnancy ang hypertension, diabetes ug congenital abnormalities sama sa Down syndrome nga mas gina-monitor pinaagi sa regular prenatal check-up ug congenital anomaly scan.
Luyo niini, gipatin-aw sa doktora nga posible gihapon ang luwas nga pagpanganak bisan high-risk basta regular ang prenatal care ug nasunod ang tambag sa doktor.
RadyoMan Wil Duran
Facebook Comments
