Gaisano mall sa Butuan gipahamtangan sa suspension sa LGU

30

Atty. Cahoy mipasabot sa 1 day suspension sa Gaisano
Nasampolan ang usa ka dakong Mall diri sa dakbayan sa Butuan human kini nakalapas sa Executive Order ni Mayor Ronnievic Lagnada kini mao ang wala pagpatuman sa Quarantine ug Health Protocol sama sa pagpasulod sa mga tawo nga wala na gipangitaan ug Home Quarantine Pass.
Nasayran gikan sa Butuan City Public Information Office (PIO) nga alas 2 ang takna kagahapon sa hapon gi-serve ang suspension order gikan sa LGU Butuan pinaagi sa Task Force Bantay Butuan batok sa Gaisano Mall kung diin epektibo kini karong Septembre 27, 2020 adlawng Domingo.
Nadawat na usab ang suspension order ni Stephen Gaisano, Jr,ang tag-iya sa Gaisano Butuan nga nahimutang sa JC Aquino Avenue, Corner Capitol drive, Brgy. Imadejas ning syudad sa Butuan.
Matod pa ni Atty. Moshie Ariel Cahoy ang head sa Butuan city Permits and Licensing Division nga ilang gipaagi sa surveillance ang gaisano mall pinaagi sa 13 ka mga tawong ilang gihimong agent ug ilang nakumpirma base sa ilang nakuhang ebidensya nga nakalapas gayod ang Gaisano Mall sa Executive Order sa Mayor hinungdan nga nakab-ot ang desisyun nga ipatuman ang silot pagsirado sa mall sa isa ka adlaw.
Human nadawat ni Mr. Stephen Gaisano, Jr ang maong kamandoan nangayo kinig pasaylo ug andam nilang sundon ang maong silot.
Gidugang pa ni Atty. Cahoy nga aduna pay laing mga establisamento nga ilang gipanid an karong panahuna ug hayan masilotan usab human nakitaan ug paglapas sa Executive Order ni Mayor Ronnie Vic Lagnada.
Si Atty. Moshie Ariel Cahoy ang head sa Butuan city Permits and Licensing Division sa interview sa RMN DXBC Butuan.

Facebook Comments