General Santos City—midangop sa buhatan sa Police Station 1 ang usa ka ginang human gilugos sa amigo sa iyang bana sulod mismo sa ilang panimalay sa Barangay South Gensan.
Ang biktima itago lang sa pangalang si Alias Melody, 30, residenti sa samang Barangay. Sumbong sa biktima ngadto sa kapulisan nga gabie sa adlawng Myerkules, Setyembre 20, 2017 dihang nag- inum ang iyang bana ug mga amigo uban ang suspek nga si Alias Richard, 25, Parking boy sa Purok Cagampang, Barangay South, Gensan didto sa ilang panimalay.
Tungod wala pa matagbaw ang mga nahisgutan sa ilang nainum nga bino, nangadto pa sila sa Volume bar nga nahimutang ning syudad, samtang ang ginang ang nagpabilin lang sa ilang balay uban ang ilang anak.
Human ug inum usa sa mga amigo sa bana sa biktima ang nagpahatod sa Barangay Fatima samtang ang suspek nga si Alias Richard ang mibalik sa balay sa biktima dayon pugsanong giablihan ang pultahan.
Gitiunan ug kutsilyo sa suspek ang biktima dayon gibaharan nga patyon uban ang iyang anak kung dili kini musugot nga makighilawas kaniya. Tungod sa kahadlok, walay nahimo ang ginang batok sa suspek ug nagmalampuson gyud kini sa iyang dautang tumong batok sa biktima. paspas dayon nga misibat ang suspek human sa insidenti samtang ang biktima ug bana niini nangayog tabang sa kapulisan.
