Muabot sa 30 ka mga punuan sa Marijuana ang gipang-ibot sa mga kapulisan human nga nadiskobre ang gikaingong plantasyon pasado alas 2 sa hapon kagahapon didto sa Sitio Diamante, Barangay Dalirig, Manolo Fortich, Bukidnon.
Gipangunahan sa mga personahe sa Manolo Fortich Municipal Police Station ang maong operasyon human nga nakakuha og tip gikan sa usa ka concerned citizen kabahin sa gikaingong plantasyon sa Marijuana.
Pag-abot sa lugar, mutimbang sa gibana-banang usa ka kilo ang mga Marijuana nga anaa sa 4ft ang katas-on ug mukantidad og P120,000.00 ang gipang-ibot sa mga kapulisan.
Gidala na karon sa presinto sa kapulisan ang mga nakompiskang illegal nga sagbot sa Marijuan ug giturn-over sa Regional Forensic Group 10 sa Patag, Cagayan De Oro City alang sa eksiminasyon.
Padayon pa ang imbestigasyon sa kapulisan pagsuta sa posibleng caretaker sa maong plantasyon aron nga mapanubag sa balaod.
Facebook Comments
