Harassment sa NPA agig pagsupak daw sa ASEAN summit ug pagbisita ni Trump sa nasud

26

Malaybalay City, Bukidnon – Wala gibaliwala sa Armed Forces of the Philippines kon AFP ang hulga sa mga rebeldeng New Peoples Army kon NPA.

Sa interview sa RMN Malaybalay ngadto kang Capt. Norman Targos ang spokesperson ug Civil Military Officer sa 403rd infantry peacemaker brigade gibutyag ninii nga nagpabilin ang hulga sa maong grupo dinhi sa Bukidnon ug bisan sa Misamis Oriental.

Matud ni Tagros nga pamatuod niini ang mga pagpang-ambush ug pagpangharass nga ginahimo sa mao nga grupo sa rehiyon.

Samtang gipanuguro usab sa 403rd brigade nga nagpabilin silang andam sa unsa mang hulga sa armadong grupo kauban ang 8th IB, 88th IB ug 1SF batallion.

Samtang sa managbulag nga interview sa RMN ngadto kang Ka Malem Mabini, ang tigpamaba sa NPA-North Central Mindanao Region gibutyag niini nga ang ilang gihimong pagpangatake agig tubag sa panawagan ug pagsupak sa pagpahigayon ug ASEAN summit ug pagbisita ni US President Donald Trump sa nasud.

Facebook Comments