Nagsagawa ang City Mobile Force Company (CMFC) ng isang symposium tungkol sa Kabataan Kontra Droga at Terorismo (KKDAT) para sa mga on-the-job training (OJT) students ng Metro Dagupan Colleges bilang bahagi ng patuloy na kampanya laban sa ilegal na droga, terorismo, at iba pang banta sa seguridad ng komunidad.
Layunin ng symposium na palawakin ang kaalaman at kamalayan ng mga kabataan hinggil sa masasamang epekto ng ilegal na droga, terorismo, radicalization, at iba pang uri ng kriminalidad na maaaring makaapekto sa kanilang kinabukasan at sa lipunan.
Sa pamamagitan ng mga talakayan, hinikayat ang mga estudyante na maging aktibong katuwang sa pagpapanatili ng kapayapaan, kaligtasan ng publiko, at kaunlaran ng komunidad sa pamamagitan ng pagiging responsable, masunurin sa batas, at mapagmatyag na mamamayan.
Binigyang-diin din sa programa ang mahalagang papel ng kabataan sa pagsuporta sa mga inisyatiba ng pamahalaan laban sa ilegal na droga, marahas na ekstremismo, at iba pang banta sa pambansang seguridad. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
