Atty. Goebelyn Beraye, ginpatpat ang autopsy result sang iya bana nga isa sa napatay sa engkwentro sang militar kag NPA sa Cuartero, Capiz

2899

Iloilo- Lunsay yara sa likod ang entry point sang bala nga nag-igo kay Remy Beraye.

Ini ang pahayag ni Atty. Goebelyn Lopez – Beraye ,tiayon ni Remy Beraye nga isa sa tatlo ka mga napatay sa nagluntad nga ingkwentro sa Cuartero , Capiz sang damlag lang.

Suno kay Atty. Beraye nga santo sa inisyal nga impormasyon nga iya nabaton gikan sa autopsy report ni Dr. Owen Libaquen, nakaagum sang tatlo ka igo sa likod si Remy kag naigo ang atay kag baga sini nga gintunaan sang iya kamatayon.

Sa pihak sini ginarespeto ni Goebelyn ang nangin involvement sang iya bana sa ingkwentro nga natabo kag bukas ini sa mga legal action nga nakadepende sa development sang hitabo.

Samtang, natalana nga pagadal-on sa Roxas City ang bangkay ni Remy Beraye.

Ginpahayag ni Atty. Goebelyn Beraye nga may patigayunon nga caravan gikan diri sa iloio padulong sa Roxas kasunod man sang hinyo sang mga pumuluyo nga iya naserbisyuhan.

Dugang pa niya nga posible magatiner sang isa ka gab-i sa Roxas ang bangkay sang bana kag igabalik sa Iloilo agud i- cremate.

Nahibaluan nga anay student leader sang West Visayas State University si Remy Beraye kag isa sa tatlo ka mga napatay sa engkwentro sang militar kag NPA sa Cuartero, Capiz .

(c) DYVR RMN ROXAS 657

Facebook Comments